Menu
ყოველწლიური სამეცნიერო ჟურნალი ხელს უწყობს უნივერსიტეტებსა და სხვადასხვა აკადემიურ სექტორებს შორის თანამშრომლობას. იგი მიესალმება სტატიებს და რეცენზიებს ისეთ სამეცნიერო სფეროებში, როგორიცაა დიგიტალური ჰუმანიტარია, დიგიტალური ქართველოლოგია, დიგიტალური კავკასიოლოგია, ციფრული ლექსიკოგრაფია, მთარგმნელობითი კვლევები, ქართული ენის ტექნოლოგიები, კორპუსლინგვისტიკა, ლიტერატურათმცოდნეობა, ისტორია, არქეოლოგია, პოლიტოლოგია, სოციოლოგია. ჟურნალი წაახალისებს ინტერდისციპლინურ კვლევებს და ხელს უწყობს ახალგაზრდა მეცნიერებებს გამოაქვეყნონ სამეცნიერო ნაშრომები, რომლებიც გაივლიან ორმაგი რეცენზირების ეტაპს ქართველი და საერთაშორისო ექსპერტების მიერ. ჟურნალი განკუთვნილია ჰუმანიტარულ და სოციალურ მეცნიერებაში მომუშავე ახალგაზრდა მკვლევართათვის როგორც საქართველოს, ისე უცხოეთის ინსტიტუტებიდან. ჟურნალი რეგისტრირებულია საერთაშორისო აკადემიურ მონაცემთა ბაზებში და მომავალშიც გააგრძელებს საერთაშორისო სამეცნიერო ბაზებში ინტეგრირებას.
ჟურნალი აღიარებს ღია წვდომის პოლიტიკას, რაც ჟურნალში გამოქვეყნებულ რესურსებს თავისუფლად წვდომის საშუალებას აძლევს. მომხმარებლებს შეუძლიათ სტატიების წაკითხვა, ჩამოტვირთვა, გაზიარება და ამობეჭდვა რეგისტრაციის ან გამომცემლის/ავტორის ნებართვის გარეშე. ავტორები ინარჩუნებენ საავტორო უფლებებს და აძლევენ ჟურნალს პირველადი გამოქვეყნების უფლებას, რაც მისი შემდგომი გამოყენების შესაძლებლობას იძლევა სათანადო ციტირებით. ავტორებს ასევე შეუძლიათ არაექსკლუზიურად გაავრცელონ ჟურნალში გამოქვეყნებული ნაშრომები (ჟურნალის მითითებით) და გადაამუშაონ საკუთარი ნამუშევრები, იმ პირობით, რომ გადამუშავებული ვერსიის გამოქვეყნების შემთხვევაში მიუთითებენ ჟურნალს, როგორც პირველწყაროს.
კონფიდენციალურობის განცხადება: ჟურნალის საიტზე გამოქვეყნებული სახელები და ელფოსტის მისამართები გამოყენებული იქნება ექსკლუზიურად ჟურნალ „მილენიუმის“ მითითებული მიზნებისთვის და არ იქნება ხელმისაწვდომი სხვა მიზნებისთვის ან სხვა მხარისთვის.
ჟურნალის პასუხისმგებლობა გამოქვეყნებულ მასალაზე: ჟურნალში გამოთქმული შეხედულებები ან მოსაზრებები ეკუთვნის ავტორებს და აუცილებლად არ ასახავს რედაქტორების, სარედაქციო საბჭოს ან ჟურნალის გამომცემელთა შეხედულებებს.
ავტორები, რომლებიც სამეცნიერო ნაშრომებს აქვეყნებენ ჟურნალში, თანხმდებიან შემდეგ პირობებზე:
საავტორო უფლებების დაცვა: ავტორები ინარჩუნებენ საავტორო და გამოქვეყნების სრულ უფლებებს შეზღუდვების გარეშე. ისინი ჟურნალს ანიჭებენ პირველი გამოცემის უფლებას. ეს საშუალებას აძლევს სხვებს გააზიარონ ნაშრომი ავტორობისა და ჟურნალში მისი თავდაპირველი გამოქვეყნების უფლების აღიარებით.
დამატებითი პირობები: ავტორებს შეუძლიათ ცალკე დადონ დამატებითი სახელშეკრულებო შეთანხმებები ჟურნალის გამოქვეყნებული ვერსიის არაექსკლუზიური გავრცელებისთვის (მაგ., მისი განთავსება ინსტიტუციურ საცავში ან გამოქვეყნება წიგნში), იმ პირობით, რომ ისინი ადასტურებენ მის თავდაპირველ გამოცემას აღნიშნულ ჟურნალში.
გაზიარება გამოქვეყნებამდე: ჟურნალი მხარს უჭერს და წაახალისებს ავტორებს თავიანთი ნამუშევრები გამოაქვეყნონ ონლაინ (მაგ., ინსტიტუციონალურ საცავებში ან მათ ვებსაიტზე) გამოქვეყნებამდე და გამოქვეყნების შემდეგ. ეს ხელს უწყობს პროდუქტიული გაცვლებისა და გამოქვეყნებული ნამუშევრის ადრეულ გავრცელებას და უფრო დიდი მასშტაბით ციტირებას (დამატებითი ინფორმაციისთვის იხილეთ ღია ციტირების პროექტი – მითითებების დაკავშირება და ციტირების ანალიზი ღია არქივებისთვის).
წვდომა მკითხველებისათვის: მკითხველს შეუძლია წაიკითხოს, ჩამოტვირთოს, დააკოპიროს, გაავრცელოს, ამობეჭდოს, მოძებნოს ან დალინკოს ჟურნალის სტატიების სრული ტექსტები, იმ პირობით, რომ ისინი აღიარებენ ნაშრომის ავტორის საავტორო უფლებას და ჟურნალს, როგორც პირველწყაროს.
სამეცნიერო საბჭოს თავმჯდომარე: პროფ. მანანა თანდაშვილი – ფრანკფურტის უნივერსიტეტი, გერმანია (tandaschwili@em.uni-frankfurt.de)
პროფ. იოსტ გიპერტი – ჰამბურგის უნივერსიტეტი, გერმანია (bay7254@uni-hamburg.de)
პროფ. გერდ კარლინგი – ფრანკფურტის უნივერსიტეტი, გერმანია (carling@em.uni-frankfurt.de)
პროფ. ირინა გურევიჩი – დარმშტადტის ტექნიკური უნივერსიტეტი, გერმანია (iryna.gurevych@tu-darmstadt.de)
დოქტ. სერგეი კიმი – ლოზანის უნივერსიტეტი, შვეიცარია (revsergeykim@gmail.com)
პროფ. ემზარ ჯგერენაია – ილიას სახელმწიფო უნივერსიტეტი, საქართველო (emzar_jgerenaia@iliauni.edu.ge)
პროფ. ვახტანგ ლიჩელი – ივ. ჯავახიშვილის თბილისის სახელმწიფო უნივერსიტეტი, საქართველო (vakhlich@hotmail.com)
პროფ. ნანა ლოლაძე – ივ. ჯავახიშვილის თბილისის სახელმწიფო უნივერსიტეტი, საქართველო (nanaloladze@yahoo.com)
დოქტ. რატი სხირტლაძე – ენაგრამი, საქართველო (rati2008@gmail.com)
სამეცნიერო საბჭოს მდივანი: სარა დოპიერალა, აშშ (sdopierala15@gmail.com)
მთავარი რედაქტორი: დოქტ. მარიამ ყამარაული – ჰამბურგის უნივერსიტეტი, გერმანია (mariam.kamarauli@uni-hamburg.de)
რედაქტორი: დოქტ. ეკა კვირკველია – ჰამბურგის უნივერსიტეტი, გერმანია (eka.kvirkvelia@uni-hamburg.de)
აღმასრულებელი მდივანი: გიორგი ჯღარკავა – ივ. ჯავახიშვილის თბილისის სახელმწიფო უნივერსიტეტი, საქართველო (giorgi.jgharkava@tsu.ge)
პროფ. მზია ხახუტაიშვილი – ბათუმის შოთა რუსთაველის სახელმწიფო უნივერსიტეტი, საქართველო (mzia.khakhutaishvili@bsu.edu.ge)
მაია ქუქჩიშვილი – სამცხე-ჯავახეთის სახელმწიფო უნივერსიტეტი, საქართველო (kukchishvilim@gmail.com)
პროფ. ქეთევან დათუკიშვილი – ივ. ჯავახიშვილის თბილისის სახელმწიფო უნივერსიტეტი, საქართველო (k_datukishvili@yahoo.com)
მარიამ რუხაძე – ივ. ჯავახიშვილის თბილისის სახელმწიფო უნივერსიტეტი, საქართველო (mariko.rukhadze@gmail.com)
მარიამ გობიანიძე – ფრანკფურტის უნივერსიტეტი, გერმანია (gobianidze.m@gmail.com)
ზვიად ზალიკიანი – ილიას სახელმწიფო უნივერსიტეტი (zviad.zalikiani@ilia.edu.ge)
ჟურნალში დასაბეჭდად წარმოდგენილი სტატიები გაივლიან ორმაგ ბრმა რეცენზირებას, ამასთან ავტორ(ებ)ი და რეცენზენტები ანონიმური რჩებიან. გამოგზავნილი სტატიები თავდაპირველად გადიან პირველად განხილვას რედაქტორის მიერ, რათა დარწმუნდეს, რომ სტატია შეესაბამება ჟურნალის მიზნებსა და სფეროებს. ამის შემდეგ, სტატიას აფასებს ორი დამოუკიდებელი რეცენზენტი, რომლებიც არჩეულია მთავარი რედაქტორისა და სარედაქციო კოლეგიის მიერ. სტატიებმა უნდა მიიღონ ორი დადებითი რეცენზია, რათა გადაწყდეს მისი გამოქვეყნება. რეცენზენტთა მხრიდან განსხვავებული აზრის არსებობის შემთხვევაში სტატია სარეცენზიოდ გადაეცემა მესამე რეცენზენტს კონსულტაციისათვის. ავტორებს შეუძლიათ მოითხოვონ რევიზია რეცენზენტების შეფასების გაცნობის საფუძველზე. გამოქვეყნებაზე საბოლოო გადაწყვეტილება მიიღება სარედაქციო კოლეგიის მიერ.
ჩვენი გუნდი ყოველთვის მზად არის გაგიწიოთ კონსულტაცია
