„ბუნებრივ ენათა დამუშავების ტექნოლოგიები და კორპუსული კვლევების მნიშვნელობა 21-ე საუკუნის ქართველოლოგიისათვის“
გოეთეს სახელობის ფრანკფურტის უნივერსიტეტი და საქართველოს უნივერსიტეტი ურთიერთთანამშრომლობის მემორანდუმის ფარგლებში 2024 წლის 23-25 თებერვალს ატარებს საერთაშორისო სემინარს თემაზე „ბუნებრივ ენათა დამუშავების ტექნოლოგიები და კორპუსული კვლევების მნიშვნელობა 21-ე საუკუნის ქართველოლოგიისათვის“. სემინარი, რომელიც დიგიტალური ჰუმანიტარიის აკადემია - საქართველოსა და ლინგვისტური ტექნოლოგიების ჯგუფის სპეციალისტების მონაწილეობით ტარდება, განკუთვნილია ქართული ფილოლოგიის სპეციალობის სამივე საფეხურის (ბაკალავრიატი, მაგისტრატურა, დოქტორანტურა) სტუდენტებისთვის.
მიზანი:
სემინარის მიზანია ახალგაზრდა ფილოლოგებისათვის ბუნებრივ ენათა დამუშავების ტექნოლოგიების გაცნობა, ქართული ენის დიგიტალური რესურსების გამოყენებისა და კვლევის თანამედროვე მეთოდების ათვისების ხელშეწყობა.
სემინარის ფარგლებში მონაწილეები გაეცნობიან ქართველოლოგიის დიდ მონაცემთა ბაზებს, ქართული ენის ეროვნული კორპუსის არქიტექტონიკას, საძიებო სისტემას და აითვისებენ კვლევის პროცესში კორპუსის ეფექტურად გამოყენების უნარ-ჩვევებს. გარდა ამისა, სტუდენტები გაეცნობიან ქართული ენის ფორმალური მოდელირების საფუძვლებს, კომპიუტერული ლექსიკოგრაფიის თანამედროვე მიდგომებს, ქართული ენისათვის შექმნილ სხვადასხვა პროგრამულ საშუალებას და რაც მთავარია, გააცნობიერებენ იმ გამოწვევებს, რომელთა წინაშეც დგას ქართველოლოგია 21-ე საუკუნეში.
სემინარის ხელმძღვანელები:
პროფ. მანანა თანდაშვილი (ფრანკფურტის უნივერსიტეტი), პროფ. ქეთევან დათუკიშვილი (საქართველოს უნივერსიტეტი)
სემინარის ჩატარების დრო: 23-25 თებერვალი, 2024 წელი
სემინარის ჩატარების ადგილი: საქართველოს უნივერსიტეტი
სემინარში მონაწილეობის რეგისტრაცია: 5-20 თებერვალი: მსურველებმა განცხადება და CV უნდა გაგზავნონ შემდეგ ელფოსტის მისამართზე: tandaschwili@em.uni-frankfurt.de
დასტური მონაწილეობის შესახებ: 21 თებერვალი
მონაწილეთა რაოდენობა: 30
მონაწილეობა უფასოა!
სემინარის დასრულების შემდეგ მონაწილეებს მიეცემათ საკვლევი თემები, რომლებიც სემინარის ფარგლებში შეძენილი ახალი ცოდნისა და ტექნოლოგიების გამოყენების შედეგად უნდა შესრულდეს.
სემინარის დასრულების შემდეგ დაგეგმილია სემინარის მონაწილეთა მიერ მომზადებული პრეზენტაციების წარდგენა, რის შემდეგაც მათ გადაეცემათ საერთაშორისო სემინარში მონაწილეობის დამადასტურებელი სერტიფიკატი.
სალექციო თემები:
23 თებერვალი
10:00-11:00 - საერთაშორისო სემინარის საზეიმო გახსნა
23 თებერვალი
11:00-12:00 სთ - ქართველოლოგია და 21-ე საუკუნის გამოწვევები (მანანა თანდაშვილი)
12:00-12:30 სთ - შესვენება
12:30-13:130 სთ - ბუნებრივ ენათა დამუშავების ტექნოლოგიები, მეთოდები და ინსტრუმენტები (მანანა თანდაშვილი)
13:30-14:30 სთ - ქართული ენის ეროვნული კორპუსი - ტექნოლოგიური ჩარჩო, სამომხმარებლო ინტერფეისი და პრაქტიკული გამოყენება (მანანა თანდაშვილი)
14:30-15:00 სთ - შესვენება
15:00-16:00 სთ - ქართული ხელნაწერების შესწავლისა და გაშიფვრის თანამედროვე მეთოდები და ინსტრუმენტები (მარიამ ყამარაული)
24 თებერვალი
10:00-11:00 სთ - ბუნებრივ ენათა სინთეზისა და ანალიზის ინსტრუმენტები (ქეთევან დათუკიშვილი)
11:00-12:00 სთ - ქართული ენის მორფოლოგიური პროცესორი (ქეთევან დათუკიშვილი)
12:00-12:30 სთ - შესვენება
12:30-13:30 სთ - ქართული ენის მოდელირების ძირითადი პრინციპები - სახელის მოდელი (ქეთევან დათუკიშვილი)
13:30-15:00 სთ - მანქანური სწავლების გამოყენება პროგრამული პროდუქტების შესაქმნელად ქართული ენისათვის (რატი სხირტლაძე)
25 თებერვალი
10:00-11:30 სთ - ლექსიკოგრაფია 21-ე საუკუნეში - გამოწვევები და დაძლევის გზები ელექტრონული ლექსიკონების მაგალითზე (ნანა ლოლაძე)
11:30-13:00 სთ - ლექსიკონი, როგორც სასწავლო რესურსი – „ქართული ლექსიკონი“ (ნანა ლოლაძე)
13:00-13:30 სთ - შესვენება
13:30-15:00 სთ - პროგრამა „ლექსიკოგრაფი“ – ლექსიკონების შექმნის პროგრამული ინსტრუმენტი (ნანა ლოლაძე)
15:00-16:00 სთ - საპრეზენტაციო თემების განაწილება
9 მარტი
10:00-13:30 სთ - საპრეზენტაციო მოხსენებების წარდგენა და განხილვა
13:30-14:00 სთ - შესვენება
14:00-15:00 სთ - სერტიფიკატების გაცემა და საზეიმო დახურვა
საერთაშორისო სემინარში მონაწილეობის მისაღებად გადმოწერეთ ქვემოთ მოცემული ვორდის დოკუმენტი, შეავსეთ მონაცემები და გამოგვიგზავნეთ მეილზე
