საყოველთაო გლობალიზაციისა და ტექნოლოგიების სწრაფი განვითარების პირობებში, კვლევის თანამედროვე მეთოდებმა და ტექნოლოგიებმა „რევოლუციური გარდატეხა“ მოახდინეს ჰუმანიტარულ მეცნიერებებში და ახალ დისციპლინას – დიგიტალურ ჰუმანიტარიას დაუდეს სათავე. ჰუმანიტარული დარგების განვითარება დღეს წარმოუდგენელია ციფრული რესურსებისა და ციფრული ტექნოლოგიების გამოყენების  გარეშე.

საერთაშორისო კონფერენცია ეძღვნება ქართული კულტურული მემკვიდრეობის კვლევის შესაძლებლობებსა და პერსპექტივებს ციფრული ეპოქის გამოწვევების ფონზე და მიზნად ისახავს გამოცდილების გაზიარებას არსებული ტექნოლოგიების შესაძლებლობების გაცნობის თვალსაზრისით. განსაკუთრებული ყურადღება დაეთმობა პალიმფსესტური ხელნაწერების ავტომატური, ციფრული გაშიფვრის ხელოვნური ინტელექტის გამოყენებით განვითარებული ტექნოლოგიების წარმოდგენას და ხელნაწერთა ავტომატური დეშიფრირების პერსპექტივებს და ახალი ცოდნის პოპულარიზაციას.

კონფერენციაზე პლენარული მოხსენენების წასაკითხად მოწვეული არიან დარგის წამყვანი მეცნიერები ევროპიდან და საქართველოდან.