შოთა რუსთაველის სახელობის ბათუმის სახელმწიფო უნივერსიტეტში მიმდინარე წლის 17 მარტს 12.00 საათზე შოთა რუსთაველის ბათუმის სახელმწიფო უნივერსიტეტში გაიმართება შოთა რუსთაველის საქართველოს ეროვნული სამეცნიერო ფონდის 2024 წლის სამეცნიერო გრანტების კონკურსის გამარჯვებული პროექტის „მანიპულაციის ენობრივი საშუალებები თანამედროვე ქართულ პოლიტიკურ დისკურსში“ პრეზენტაცია.

პროექტის მიზანია მანიპულაციის ენობრივი საშუალებების კვლევა თანამედროვე ქართულ პოლიტიკურ დისკურსში. საკვლევი პერიოდი მოიცავს საქართველოს პოლიტიკის უახლეს პერიოდს (2012-2024 წლებს).

პროექტის ითვალისწინებს პოლიტლინგვისტიკის როგორც თეორიული, ისე ემპირიული რესურსების შექმნას ქართულ ენაზე. პროექტის ფარგლებში, ერთი მხრივ, ქართული პოლიტიკური მეტყველების მეცნიერული შესწავლის საფუძველზე შეიქმნება თეორიული ნაშრომები („მანიპულაციის ენობრივი საშუალებები თანამედროვე ქართულ პოლიტიკურ დისკურსში“, „ქართული პოლიტიკური დისკურსის სენტიმენტლექსიკონი“, სამეცნიერო სტატიები), მეორე მხრივ, შეიქმნება კვლევის ემპირიულ მონაცემთა ბაზა, რომელიც საშუალებას მოგვცემს თანამედროვე ტექნოლოგიების გამოყენებით ვიკვლიოთ მანიპულაციის ენობრივი საშუალებები უახლესი ქართული პოლიტიკური ზეპირმეტყველების დისკურსში.